Fansat me sy të mbrehtë vërejnë se Rita Ora ka zbuluar një fotografi të dasmës së saj sekrete me Taika Waititin, në klipin e këngës “You & I”

Rita Ora u ka dhënë fansave një paraqitje të shkurtër të dasmës së saj të pazbuluar më parë në një video shoqëruese për këngën e saj të re “You & I”.

Këngëtarja, 32 vjeçe, u martua me regjisorin fitues të çmimit “Oscar”, Taika Waititi, 47 vjeç, verën e kaluar, në atë që u tha se ishte një ceremoni e vogël sekrete, ‘shpirtërore’ me vetëm tre të ftuar të pranishëm.

Dhe ylli me origjinë shqiptare padyshim i bëri fansat të komentojnë me nxitim, në momentin që në klip shfaqet një nga momentet e dasmës, kur çifti i thanë ‘Po’ njëri-tjetrit, shkruan DailyMail.

Fotografia e dasmës, e vendosur pranë tavolinës së Ritës në video, e tregon bukuroshen të veshur me një fustan të bardhë me material dantelle me mëngë të gjata të dizajnuar nga Tom Ford, teksa mbështjell krahun rreth bashkëshortit të saj dhe e puthë atë.

Lexo po ashtu I pari në Mbretërinë e Bashkuar dhe i dyti në nivel global - albumi i Rita Orës ngjitet në majat e klasifikimeve të muzikës

Fotoja tregon se dyshja i shkëmbyen betimet e tyre në një ambient të jashtë gjatë ceremonisë së tyre idilike, me Taikan dhe Ritën që duken më të dashuruar se kurrë teksa u shpallën burrë e grua.

Kjo vjen pak muaj pasi Rita ndau me publikun detaje nga dasma e saj dhe pranoi se nuk donte ndonjë ‘vëmendje të veçantë’ atë ditë.

Ndërkohë në një intervistë të re, Rita u shpreh se ndjehej ‘e vetmuar’ në të kaluarën dhe tregoi se si kishte ‘hequr dorë nga dashuria’ përpara se të binte në dashuri me Taikan.

Interpretuesja e hitit “Hot Right Now” në të kaluarën ka dashuruar një sërë emrash të famshëm, duke përfshirë: Calvin Harris, Rob Kardashian dhe Travis Barker.

Në këngën e saj të re “Waiting For You”, Rita zhveshi shpirtin e saj në këngë, me tekstin që tregonte historinë e thyerjes së zemrës së saj ndërsa këndonte vargjet: “Mjaft, hoqa dorë, shikoja të gjithë miqtë e mi të martoheshin – e vetmuar nën llambadar”.

Lexo po ashtu Pas publikimit të albumit të ri - Taika Waititi e uron në shqip Rita Orën: Jam krenar me ty zog, të dua

“Gjithmonë kam mbajtur roje, nuk kam qenë gati për dashuri. . . vetëm një rrahje në zemrën time pa asnjë përdorim”.

Dhe duke folur për tabloidin britanik The Sun, ylli tregoi se teksti nuk ishte menduar të ishte metaforik, pasi ajo këmbënguli se ishte ‘fjalë për fjalë ashtu siç u ndje ajo’.

Rita tha: “Disa nga shoqet më thonin ‘Oh Zot, jam shtatzënë’ ose ‘Oh Zot, po martohem’. Jeta po ndodh dhe të gjithë po plaken dhe unë ndjeva se ishte diçka që është shumë e lidhur”.

“Mendova se ishte një pozicion i pambrojtur dhe i thellë për mua. Mendoj se na lidh – veçanërisht vajzat dhe gratë dhe presioni shoqëror që ndjejmë se duhet të arrijmë. Doja të isha e prerë dhe e ndershme”, shpjegoi ajo.

Ajo shtoi se nëse me të vërtetë donte të hapej për ndjenjat e saj, ajo duhej të ishte ‘e hapur dhe e sinqertë’ dhe të mos hynte në të ‘me gjysmë zemre’, duke shtuar se duhej ‘guxim’ për të thënë vërtet të vërtetën e saj.

Rita gjithashtu theksoi se gjatë kompozimit të albumit të saj, ajo po shkruante gjëra që po ‘kalonte në të njëjtën kohë’, duke e krahasuar atë me një ‘ditar’ teksa tregonte se si po martohej me Taikan përpara se të shkruante për të.

Ndërkohë, Rita zbuloi se ajo shkroi tekstin e këngës së saj të re “You & I” mëngjesin e parë pas dasmës së saj, ndërsa ishte në gjendje tejet të rraskapitur. /Telegrafi/