Fabrizio Romano jep detaje rreth transferimit të mundshëm të Frimpong tek Barcelona

Ylli i Bayer Leverkusenit, Jeremie Frimpong pati një prej sezoneve të tij më të mira në futbollin evropian këtë vit, dhe kjo ka bërë që ai të futet në radarin e disa prej klubeve më të mëdha, duke përfshirë Barcelonën.

Fabrizio Romano ka raportuar se ka një interesim të fortë nga Liga Premier për Frimpongun, i cili aktualisht ka një klauzolë lirimi prej 40 milionë eurosh.

Frimpong momentalisht nuk po i konsideron ofertat në drejtim të tij dhe e ka përqendruar vëmendjen e tij tek kombëtarja e Holandës në Euro 2024.

Barcelona po mban një sy afër tek situata e tij. Trajneri i ri i Barcelonës, Hansi Flick, e ka përcjellur atë këtë vit dhe e pëlqen shumë lojtarin.

Lexo po ashtu Barcelona shpresonte ta shiste, por lojtari po largohet si i lirë

Sidoqoftë, siç qëndrojnë gjërat prioriteti i tyre për krahun e djathtë mbetet Joao Cancelo, por transferimi i tij i përhershëm mund të jetë i shtrenjtë dhe i vështirë andaj çdo gjë mbetet e hapur.

Fakti që Barcelona mund ta favorizojë Frimpongun para Cancelos është diçka e kuptueshme, pasi portugezi së shpejti do të mbushë të 30-tat dhe ka pasur një sezon larg pritshmërive.

23-vjeçari është produkt i akademisë së Manchester Cityt ndërsa para transferimit tek Leverkuseni ishte pjesë e Celticut./Telegrafi/