Fabregas lidhet me Sevillan, Sampaoli tregon se a do të transferohet

Cesc Fabregas është duke u lidhur ditëve të fundit me një kalim te skuadra spanjolle, Sevilla, por trajneri i saj, Jorge Sampioli, e ka mohuar transferimi edhe pse i pëlqen futbollisti spanjoll.  

Mesfushori spanjoll është duke luajtur pak këtë sezon te Chelsea nën urdhrat e Antonio Contes dhe është lidhur me një largim gjatë afatit dimëror te skuadra e Sevillas, por Sampaoli e ka mohuar një gjë të tillë, pasi është i kënaqur me grupin e futbollistëve që i ka nën udhëheqje.

“Unë e di se ai është një lojtar i rëndësishëm, por unë nuk jam duke menduar për të”, ka thënë Sampaioli për mediat angleze, transmeton Telegrafi.

Lexo po ashtu Dhjetë lojtarët që mund të ndërrojnë mjedis në Ligën Premier (Foto)

“Ai është shumë inteligjent dhe është e qartë se është një lojtar i cili çdo trajner dëshiron që ta ketë në radhët e veta. Por kjo nuk e ka kaluar mendjen time se ai mund të jetë këtu”.

“Ne jemi të lidhur me lojtarët ditë për ditë. Ne vlerësojmë shumë skuadrën që kemi këtu dhe nuk jam duke menduar për ndonjë më shumë se kaq”, përfundoi trajneri argjentinas. /Telegrafi/