Evropa do të furnizohet me 200 milionë doza të vaksinës amerikane Johnson&Johnson

Gjigandi farmaceutik “Johnson&Johnson” njoftoi të hënën se do të furnizojë shtetet evropiane me 200 milionë doza të vaksinave kundër coronavirusit, përfshirë Norvegjinë dhe Islandën, në gjysmën e dytë të prillit.

Vaksina amerikane u miratua nga Agjencia Evropiane e Mjekësisë (EMA) – rregullatori mjekësor i Bashkimit Evropian më 11 mars, pas miratimit të vaksinave të Pfizer/BioNTech, Moderna dhe AstraZeneca.

Në një deklaratë të publikuar pak më parë, kompania tha se orari i dorëzimit të vaksinave do të bëhet në përputhje me marrëveshjen e nënshkruar me Komisionin Evropian, raporton cnn.

Lexo po ashtu Bashkimi Afrikan do të merr 400 milionë vaksina Johnson&Johnson

“[Johnson & Johnson] do të vazhdojë të punojë ngushtë me partnerët tanë, autoritetet rregullatore dhe qeveritë për të përshpejtuar të gjitha hapat e procesit të prodhimit të vaksinave dhe për të aktivizuar vendet tona të prodhimit sa më shpejt që lejojnë miratimet e autoriteteve shëndetësore, në mënyrë që të sigurojnë një siguri dhe një nivel të lartë – prodhimi cilësor të vaksinës sonë”, thuhej në deklaratë.

Njoftimi vjen mes zhgënjimit në rritje në Bruksel për një mungesë të furnizimit të vaksinave, veçanërisht për shkak të dështimit të AstraZeneca për të përmbushur detyrimet sipas kontratës – ndërsa vazhdon të përmbushë objektivat e Mbretërisë së Bashkuar. /Telegrafi/