A është i sigurt për gratë shtatzëna qymyri i aktivizuar?

Ndihmon te rastet me krupë, gazra dhe tretje jo të mirë, por a do të ndikojë në zhvillimin e foshnjës?

Periudha e shtatzënisë është shumë emocionuese, por gjatë gjithë kësaj kohe duhet të ndiqni me kujdes rekomandimet e mjekut, sidomos kur bëhet fjalë për marrjen e ilaçeve.

Shumica e ilaçeve janë të ndaluara për gratë shtatzëna, por ka edhe nga ato që janë të sigurta dhe nuk prekin fetusin.

Qymyri i aktivizuar është një ilaç që përdoret shumë shpesh për problemet gastrointestinale, por a është i sigurt për gratë shtatzëna?

Qymyri i aktivizuar është një substancë krejtësisht natyrale. Ndihmon trupin të mbledhë dhe largojë substancat e dëmshme toksike nga trupi përpara se ato të hyjnë në sistemin e qarkullimit të gjakut, transmeton Telegrafi.

Efekti i qymyrit të aktivizuar te foshnja në stomak

Qymyri aktiv është i mirë, sepse nuk absorbohet në gjak dhe, në përputhje me rrethanat, nuk depërton në placentë, nga ku ushqehet fetusi. Ky medikament vepron ekskluzivisht në traktin gastrointestinal dhe tajit natyrshëm brenda shtatë orëve pas konsumimit.

Megjithatë, gjithmonë mbani në mend se ky ilaç duhet të merret gjatë shtatzënisë vetëm pas konsultimit me një mjek.

Te cilat probleme të shtatzënisë mund të ndihmojë?

▪ Urthi.
▪ Gazrat.
▪ Të përziera.
▪ Të vjella.
▪ Tretje e dobët.
▪ Reaksionet e ndryshme alergjike të trupit.

Kur nuk duhet të përdorni qymyr të aktivizuar?

Para se të përdorni gjatë shtatzënisë, sigurohuni që të konsultoheni me një mjek, por ka edhe disa arsye për të mos marrë qymyr të aktivizuar, dhe këto janë:

▪ Kapsllëku
▪ Përdorimi i vitaminave.
▪ Ulcera në stomak dhe duoden.

Qymyri i aktivizuar është i përballueshëm dhe plotësisht i sigurt për të luftuar lloje të ndryshme të helmimeve dhe simptomave të pakëndshme gjatë shtatzënisë.

Sidoqoftë, mos harroni se çdo ilaç ka kundërindikacione. Prandaj, për të mos dëmtuar veten ose foshnjën e palindur, kontaktoni mjekun tuaj për të përshkruar terapinë adekuate. /Telegrafi/