A është normale të shtosh në peshë gjatë ciklit menstrual? Ja çfarë duhet të dini!

Mesa duket, nuk është një fiksim i kotë: femrat shtojnë në peshë gjatë menstruacioneve.

‘Femrat mund të shtojnë deri në tre kilogram gjatë ciklit’, thotë gjinekologia Natasha Johnson për Women’s Health. Dhe ka disa arsye për këtë:

Hormonet, mbi të gjitha
Pak përpara ardhjes së periodave, niveli i estrogjenit në trupin e femrës është në pikën më të lartë. Për shkak të niveleve të larta të hormonit femëror, trupi priret të grumbullojnë lëngje, të cilat shkaktojnë fryrje. Por me të ardhur periodat, niveli i estrogjenit bie, dhe ju ndiheni menjëherë më të lehta.

Përsëri hormonet (progresteroni)
Gjatë fazës së dytë të periodave, ngrihet niveli i progresteronit, i cili shkakton përsëri grumbullimin e ujit, si edhe fryrjen e gjoksit.

Nepsi!
Po, gjatë periodave është normale të kemi neps për çfarëdolloj gjëje, natyrisht, përveç brokolit dhe sallatës së gjelbër, shkruan Anabel. Dhe ushqimet që na pëlqejnë më shumë janë përgjithësisht të thata, shumë të kripura ose shumë të ëmbla. Edhe këto e mbajnë ujin brenda trupit.

Periodat shkaktojnë këputje dhe dembelizëm
E fryrë, e pafuqishme; këto janë ndjesitë që shoqërojnë ciklin zakonisht. Prandaj femrat bëhen dembele për të ecur apo për të shkuar në palestër gjatë kësaj periudhe. Duke mos djersitur, nuk e lehtësoni trupin nga ujërat e tepërt. /Telegrafi/