Eros Grezda i kërkon falje Antonio Çolakut: Nuk duhet ta kisha bërë atë gjë

Futbollisti shqiptar i Osijekut, Eros Grezda pas ndeshjes me Rijekën ka goditur kundërshtarin e tij, sulmuesin Anonio Mirko Çolak.

Incidenti ka ndodhur pas përfundimit të ndeshjes gjysmëfinale të Kupës së Kroacisë, ku Rijeka fitoi me rezultat 3-2.

Grezda pas takimit e kishte goditur me grusht futbollistin kundërshtar, ndërsa ky lajm ka bërë bujë në mediat kroate.

Lexo po ashtu Momenti kur Eros Grezda godet me grusht sulmuesin kundërshtar Çolak pas ndeshjes Rijeka - Osijek

Sulmuesi shqiptar i ka kërkuar falje futbollistit të cilin e ka goditur dhe këtë e ka konfirmuar vetë, Çolak.

“Jam ftohur tani dhe nuk duhet ta kisha bërë atë. Ne duhet ta kishim zgjidhur duke folur si njerëz, por unë isha nervoz në tërë lojën, kështu që unë do t’ju them më fal dhe ju vendosni se cila është gjëja më e mirë”, i ka shkuar Grezda në Instagram kroatit Çolak.

Ka qenë edhe vetëm Çolak, por edhe klubi i Rijekës që e ka ka postuar kërkim faljen e Grezdës, por duke shtuar se ai nuk e ka ofenduar shqiptarin.

“Unë e morra këtë mesazh menjëherë pas incidentit. Nuk kishte asnjë fjalë fyese në baza nacionale ose personale. Diçka krejtësisht e ndryshme u botua në gazetë, supozoj me nxitjen e dikujt”, ka shkruar ai. /Telegrafi/