Klubi katalunas, Barcelona ka prezantuar edhe zyrtarisht transferimin e fundit, Raphinha, i cili erdhi nga Leeds Unitedi.
Barcelona para disa ditësh konfirmoi marrëveshjen me Leedsin për treansferimin e sulmuesit brazilian.
Megjithatë, pasi kreu me sukses testet mjekësore, Raphinha është prezantuar edhe zyrtarisht në Camp Nou nga presidenti Joan Laporta.
Në videot e publikuara në faqet zyrtare shihet ylli brazilian duke nënshkruar kontratën e tij dhe duke pozuar me fanellën Blaugrana.
“Është një ëndërr e realizuar që kur isha fëmijë, por edhe e familjes sime. Unë do të jap më të mirën time”, ka thënë Raphinha pas prezantimit.
Ndryshe, Raphinha thuhet se ka nënshkruar kontratë pesëvjeçare, ndërsa transferimi i tij do t’i kushtojë Barcelonës 55 milionë euro plus deri në 10 milionë bonuse. /Telegrafi/
