Emigrantët të pashpresë, rikthehen në kampin në Idomeni

Një grup emigrantësh që kanë tentuar të hyjnë në Greqi duke kaluar lumin në Gjevgjeli, pavarësisht shiut të vazhdueshëm dhe fryrjes së lumit, janë rikthyer sërish në kampin në Idomeni, duke pretenduar se janë kthyer mbrapsht nga autoritetet maqedonase.

Emigrantët, mes tyre gra dhe fëmijë, janë kthyer mbrapsht pas disa orësh, me rrobat dhe sendet e tyre personale mbi kurriz.

Kur arritën pranë lumit, emigrantët formuan një resht për të ndihmuar njëri tjetrin për ta kaluar, fillimisht fëmijët dhe gratë.

Një grua, që po thante nga të ftohtët ngrohej në zjarrin e ndezur pranë bregut të lumit, duke tharë aty edhe rrobat e lagura.

Narmeen, një siriane nga Damasku, tha se ishte detyruar të mbulonte fëmijët e saj me qese plastike gjatë natës, për shkak të të ftohtit.

“Ata na thanë ecni, vetëm eci. Çfarë mund të bëjmë këtu në shi, në të ftohtë, përse nuk na lënë të kalojmë? Atje në kufi, ka mbi 15 mijë vetë që rrinë në radhë në pritje për të kaluar. 4 vetë vdiqën dje, 50 u kthyen në kamp. Kemi fëmijë të trembur dhe kanë shumë ftohtë. Nuk kemi as tenda, asgjë me vete” tha ajo.

Një 60 vjeçar, Mohammad Kattan, ishte shpresëplotë se ndoshta mund të arrijë të kalojë përmes këtij lumi e të bashkohet me familjen e tij.

“Është një rrugë shumë e gjatë nga kampi drejt maleve. Më është dashur të eci 6 orë. Në moshën time është shumë e vështirë, doja të ecja por të ndaloja shpesh” tha ai.

“Shpresa ime ishte të shkoja në Maqedoni, të nxirrja dokumente dhe të vazhdojë më pas në vende të tjera, fillimisht në Serbi” shtoi ai.

Ata që u kthyen nga autoritetet maqedonase, thanë se do të rikthehen në kampin në Idomeni, në tendat e ngritura për emigrantët.

Zv.ministri grek i mbrojtjes tha se nuk mund ta konfirmonte dhe as mohonte se kur emigrantët do të lëviznin nga kampi tranzit në Greqi, a do të kalojnë drejt Maqedonisë apo do kthehen andej nga kanë ardhur.

Më shumë se 1 mijë emigrantët braktisën orët e fundit kampin në Idomeni, drejt Maqedonisë, thanë autoritetet. Pjesa tjetër kaloi edhe një natë në të ftohtë, në shi dhe çadra të mbytura.

Autoritetet maqedonase thanë se vetëm këtë të martë më shumë se 600 refugjatë janë ndaluar dhe janë rikthyer në Greqi.