Elanga lartëson ‘mësuesin’ Cristiano Ronaldo: Shkoj në stërvitje herët dhe e gjej aty

Anthony Elanga i Manchester United ka zbuluar se Cristiano Ronaldo është një person i mirë për të pasur në skuadër, pasi ai ka ndikuar tek ai brenda dhe jashtë fushës.

Elanga, i cili ka pasur një sezon përparimtar për Unitedin, ka luajtur së bashku me Ronaldon në disa raste këtë sezon dhe ndihet me fat që luan me kapitenin portugez.

“Është vërtet mirë të kesh Ronaldon si mentor sepse shkoj në stërvitje shumë herët dhe e shoh atje”, ka thënë fillimisht Elanga për faqen zyrtare të Manchester United.

“Nëse kemi pasur një ndeshje një ditë më parë, flasim për lojën ose stërvitjen”.

“Ai është një person vërtet i mirë për të pasur rreth vetes teksa ndertohesh si lojtar, jo vetëm për shkak të asaj që ai bën në fushë, por edhe jashtë fushës”.

“Nëse ne lojtarët e rinj kemi nevojë për ndonjë ndihmë, ne mund të flasim me të. Kështu që ai është një person vërtet i mirë për të qenë pranë”, përfundoi suedezi.

Elanga iu bashkua Unitedit nga Malmo në moshën 12-vjeçare dhe ka bërë 28 paraqitje në ekipin e parë për Djajtë e Kuq këtë sezon. /Telegrafi/