Ekipi Bad News Eagles sot zhvillon ndeshjen vendimtare për t’u kualifikuar në turneun e CS:GO LAN në Çeki

Sot (e hënë) do të zhvillohet ndeshja vendimtare për ekipin shqiptar Bad News Eagles ndaj ekipit Entropiq Prague.

Ekipi fitues në këtë ndeshje do të sigurojë pjesëmarrjen në turneun LAN i cili do të mbahet në qytetin Pragë të Çekisë.

Ndeshja do të zhvillohet në formatin ‘Bo3’ duke filluar nga ora 17:30, sot (e hënë) dhe do të transmetohet në kanalin zyrtar të PlayZoneTv në platformën Twitch.

Pas humbjes së papritur nga ekipi Enterprise, tani Bad News Eagles ka mundësinë e fundit për t’u kualifikuar në turneun LAN në Çeki.

Turneu LAN në Çeki do të mbahet me datën 17-18 shtator dhe do të shpërndahen çmime rreth 37.000 dollarë për ekipet pjesëmarrëse. /Telegrafi/