Ekipet e La Ligas kanë gjetur metodën se si të ndalojnë shënimin e golave të Messit nga goditjet e lira

Klubet në Spanjë kanë hartuar një strategji për të ndaluar yllin e Barcelonës, Lionel Messin, të mos shënojë gola nga goditjet e lira – dhe kjo po funksionon.

Messi është njëri nga lojtarët më të kompletuar në historinë e futbollit dhe golat nga goditjet e dënimit kanë qenë prej kohësh një pjesë kryesore e lojës së tij.

Në fund të vitit 2019 ai shënoi golin e 50-të nga goditjet e lira në karrierën e tij dhe kishte mesatarisht të paktën katër gola të tilla në sezon – një mesatare më e mirë se shumë klube të mëdha evropiane dhe jo vetëm futbollist.

Most direct free-kick goals scored in the last 5 seasons:

20 – Lionel Messi
15 – Juventus
13 – AS Roma
13 – Paris St. Germain
13 – Lyon

🐐#ForçaBarça pic.twitter.com/VdD5TO0A2N

— William Hill (@WilliamHill) October 30, 2019

Por, ai është në rrugë të keqe në vitin 2020, pasi nuk ka arritur të shënojë në 62 përpjekjet e tij të fundit – dhe kjo për shkak se rivalët e Barcelonës kanë gjetur një metodë ‘dinake’ për ta ndaluar atë.

Faqja e njohur BenchWarmers e përshkruan atë si “në thelb tre mure” dhe ne mund të shohim plotësisht atë nga mënyra se si po rreshtohen lojtarët e ekipeve kundërshtare.

🛑La Liga teams have figured out how to stop Lionel Messi from scoring free-kicks and it's working.

It's basically 3 walls and he hasn't scored one in his last 62 attempts…🤯 pic.twitter.com/PQ0hgaGm62

— BenchWarmers (@BeWarmers) December 6, 2020

Një mur prej tre lojtarësh qëndron nëntë metra nga topi, duke bllokuar goditjen direkte drejt portës. Pas kësaj, por përpara portierit, katër lojtarë janë shpërndarë duke mbuluar kënde të ndryshme të gjuajtjes. Pastaj ka dy lojtarë në vijë, në të dy anët e portierit.

Është mjaft e ndërlikuar, por po funksionon qartë. Goditjet e lira janë ‘tharë’ për Messin kur një vit më parë, ai ishte shumë më përpara se të gjithë të tjerët në futbollin evropian.

Një ‘metodë’ e tillë u pa edhe në ndeshjen e fundit të shtunën mbrëma, ku Barcelona u mposht 2-1 nga Cadiz. /Telegrafi/

34 – Lionel Messi scored 34 direct free-kick goals this decade in league competition. This tally was 14 more than any other player within the top 5 European leagues in the 2010s. Specialist. #Opta2010s pic.twitter.com/ZdPINkS0aK

— OptaJoe (@OptaJoe) December 31, 2019