Egjipti kundër zhvendosjes së palestinezëve nga Gaza

Frika po rritet se një krizë tashmë e rëndë humanitare në Gaza mund të përkeqësohet nëse Izraeli zgjeron sulmin në jug të territorit.

Raportimet se Izraeli ka shpërndarë fletëpalosje në Gazën jugore duke paralajmëruar banorët që të largohen nga zona të caktuara mund të sinjalizojnë sulme të reja, ku qindra mijëra palestinezë thuhet se tashmë janë të zhvendosur.

Egjipti është përtej kufirit jugor, por ministri i Jashtëm, Sameh Shoukry, ka sugjeruar se ata nuk do të pranonin një fluks refugjatësh, duke shtuar se palestinezët nuk duhet të zhvendosen nga atdheu i tyre.

Lexo po ashtu BBC futet me ushtrinë izraelite në spitalin e Gazës, gazetarët britanikë tregojnë se çfarë panë

I pyetur nëse Izraeli dhe SHBA po i bënin presion Egjiptit që të pranonte zhvendosjen e palestinezëve në këmbim të anulimit të borxheve, Shoukry tha se nuk kishte të vërtetë për këtë.

Nuk është e qartë se ku mund të shkojnë palestinezët e zhvendosur, nëse kushtet bëhen të pabanueshme në pjesë të mëdha të jugut, raporton skynews.

Ndërkohë, Shoukry shpreson që Hamasi do të lironte së shpejti pengjet, me Izraelin që tha se 240 ishin zënë rob gjatë sulmit të grupit militant në Izraelin jugor më 7 tetor.

Ai tha se Egjipti ishte në kontakt të vazhdueshëm me militantët dhe po bënte çdo përpjekje për të siguruar lirimin e tyre. /Telegrafi/