Efektet vizuale të filmit ‘Suicide Squad’, janë punuara nga kompania e Maqedonisë

Kompania nga Maqedonia për animacion dhe efekte vizuale Fx3x në bashkëpunim me MPC Tehnokolor nga Londra mori pjesë në krijimin e efekteve vizuale në filmin më të ri aksion shkencoro-fantastik nga Studioja e “Vorner Bros” – “Suicide Squad”. Premiera e filmit në Shkup do të shfaqet më 4 gusht, transmeton Telegrafi Maqedoni.

Për punën e tyre në projektin e popullarizuar nga kompania thonë se 100 artistë kanë punuar thuajse një vit të plotë.

“E punuam nga shtatori i vitit 2015 deri në korrik të vitit 2016 edhe atë në vetëm 160 kuadro, që vetëvetiu flet për kompleksitetin e punës, për shkak se kjo në vëllim të filmit është vetëm 13 minuta. Puna e këtillë na bën edhe më kuriozë që ta shohim veprën finale edhe pse ky nuk është tentimi i parë që të prezantohet Suicide Squad në pëlhurën filmike. Megjithatë mendoj se ky do të jetë largë më i mirë”, deklaroi Kristian Danillovski, bashkëthemelues i Fx3x.

Regjia është e Dejvid Ajer (Fury, End of Watch), ndërsa performon ekip i njohur i aktorëve duke filluar nga të nominuarit për Oskar Uill Smith (Ali, The Pursuit of Happiness) dhe Viola Dejvis (The Help, Doubt), fituesi i Oskarit Xhared Leto ((Dallas Buyers Club), ylli i ri hollivudian – australiania Margo Robi (The Wolf of Wall Street, Focus) dhe aktori suedez Xhoel Kinaman (Netflix’s, House of Cards). /Telegrafi/