Zelensky: Ukraina do ta ndihmojë Sirinë, dëshirojmë të rivendosim marrëdhënie diplomatike me Damaskun

Megjithëse është vetë në luftë gati tre vjet me Rusinë, Ukraina po u del në ndihmë vendeve të tjera.

Volodymyr Zelensky tha sot se vendi që drejton dërgoi 500 tonë miell gruri në Siri si ndihmë humanitare.

Presidenti ukrainas tha se bëhet fjalë për një iniciativë humanitare “Grain nga Ukraina”, të cilën Kievi e ka nisur në bashkëpunim me Programin Botëror të Ushqimit të Kombeve të Bashkuara.

As promised, we are supporting the Syrian people in their time of need.

500 tonnes of Ukrainian wheat flour are already on their way to Syria as part of our “Grain From Ukraine” humanitarian program in cooperation with the WFP.

The wheat flour is planned to be distributed to…

— Volodymyr Zelenskyy / Володимир Зеленський (@ZelenskyyUa) December 27, 2024

Është planifikuar që mielli të shpërndahet tek 33.250 familje, pra mes 167 mijë njerëzve, për disa javë.

Çdo paketë peshon 15 kilogramë dhe mund të ushqejë një familje me pesë anëtarë për një muaj, tha Zelensky.

Pas përmbysjes së presidentit sirian Bashar al-Assad, i cili ishte një aleat i ngushtë rus, Zelensky tha se Ukraina dëshiron të rivendosë marrëdhëniet me Damaskun. /Telegrafi/