Edhe kampioni i NBA-së nuk do të udhëtojë me SHBA-në në botërorin e Kinës

Pasi më shumë se 30 lojtarë të NBA-së refuzuan të luanin për kombëtaren e tyre të basketbollit sepse kishin punë më të zgjuar sesa të luanin në Kupën e Botës në Kinë (31 gusht – 15 shtator), Gregg Popovich mbeti pa një lojtar që me të vërtetë dëshironte të veshte fanellën e SHBA-së.

Basketbollisti i Toronto Raptors, Kyle Lowry është detyruar që të braktis kampin amerikan shkaku i dëmtimit të gishtit të madh të dorës.

Lojtari kishte pësuar lëndim në serinë gjysmëfinale të Konferencës së Lindjes kundër Philadelphia 76ers gjersa pjesën tjetër të sezonit e ka zhvilluar nën dhimbje të mëdha dhe tani ishte detyruar të kryente një ndërhyrje kirurgjike.

https://www.instagram.com/p/By2v7b4FTmd/

Ai është një nga vetëm pesë lojtarët që me të vërtetë kanë arritur në fazën përgatitëse dhe tani nuk do të paraqitet pasi që mjekët kanë konstatuar se gishti i madh nuk është rikuperuar sa duhet.

Kujtojmë se 33-vjeçari ishte anëtar i ekipit olimpik që i solli medaljen e arit Shteteve të Bashkuara nga Lojërat e Rios në vitin 2016.

Ndryshe, 15 lojtarë nuk kanë pranuar të veshin fanellën amerikane gjersa trajneri, Greg Popovich do të udhëtoj me 12 lojtarë drejt shtetit kinez. /Telegrafi/

https://www.instagram.com/p/B1FDGoOlBBz/