E ftuar speciale, Bebe Rexha krijon atmosferë fantastike në koncertin e “Linkin Park” (Video)

Bebe Rexha është një ndër këngëtaret më të suksesshme shqiptare në rrafshin ndërkombëtar.

Ditë më parë publikoi këngën më të re të titulluar “Meant To Be”, i cili deri më tani është shikuar mbi 9.2 milionë herë në YouTube.

Kjo, por edhe sukseset tjera kanë bërë që këngëtarja të merr edhe ftesa speciale që të performojë në koncerteve të bendeve të ndryshme.

Ajo së fundi është paraqitur në një koncert të bendit të njohur amerikan Linkin Park, të cilët i ka falënderuar për këtë nder.

“Shumë e emocionuar. Faleminderit Linkin Park dhe Steve Aoki që më ftuan t’i bashkohem në këtë moment të veçantë. Gjithmonë do ta vlerësojë dhe do ta dua Chesterin”, ka shkruar në llogarinë personale në Instagram, Rexha.

Theksojmë se koncerti u mbajt në nder të këngëtarit dhe tekstshkruesit të bendit, Chester Bennington, i cili ka ndërruar jetë 20 korrik 2017.

https://www.instagram.com/p/Bax8hiIAcHd/?taken-by=beberexha

Ndryshe, Rexha, në bashkëpunim me Machine GunKelly dhe X Ambassadors, do të këndojnë kolonën zanore “Home” të filmit më të ri “Bright”.

Ajo ka takuar sërish në palestër yllin e kinematografisë botërore, Sylvester Stallonen. /Telegrafi/

https://youtu.be/9Ghn_rALwUU?t=1