A e dinit se kafeja përmban një vitaminë të rëndësishme?

Ka shumë përfitime pozitive

Një nga zakonet tuaja të preferuara të përditshme në fakt mund të jetë jashtëzakonisht i dobishëm për shëndetin tuaj.

Pas ujit, kafeja është pija më e popullarizuar në botë. Por, përveç këtij zakoni të preferuar, kafeja i ofron trupit tonë përfitime shumë më të mëdha.

Ndërsa mund ta dini se konsumi i moderuar i kafeinës përshpejton metabolizmin tuaj, ju shtyp oreksin dhe lidhet me uljen e yndyrës në trup, ajo që mund të mos dini është se pija juaj e preferuar është një zgjedhje e shëndetshme, sepse përmban vitamina dhe antioksidantë.

Vazhdoni të lexoni në vijim të këtij teksti për të zbuluar se çfarë vitamine të çmuar fshihet në çdo filxhan kafeje të preferuar, transmeton Telegrafi.

Vitamina B2 ose riboflavina

Vitamina B2 është një vitaminë e vlefshme e kompleksit B. Të gjitha vitaminat mund të ndahen në dy kategori themelore, pasi ato janë të tretshme në ujë ose të tretshme në yndyrë.

Vitamina B2 është e tretshme në ujë dhe transportohet përmes qarkullimit të gjakut.

Riboflavina është blloku bazë ndërtues i dy enzimave që luajnë një rol shumë të rëndësishëm në prodhimin e energjisë. Përveç kësaj, ai merr pjesë në funksionimin e duhur të qelizave, rritjen dhe metabolizmin e yndyrës.

Vitamina B2 gjendet natyrshëm në disa ushqime, shtohet artificialisht në produkte të tjera dhe mund të merret natyrshëm si suplement. Çdo filxhan kafe mbulon 11% të sasisë së rekomanduar ditore të vitaminës B2.

Përveç vitaminës B2, kafeja juaj e preferuar është e pasur me minerale si kalium dhe mangan dhe antioksidantë. E vetmja gjë që duhet të keni kujdes është sasia që konsumoni. Pra, nëse pini deri në 400 mg në ditë, është një nga pijet më të shëndetshme që mund të konsumoni.

Lexo po ashtu Të vërtetat dhe mitet rreth kafesë

Kush nuk rekomandohet për kafe?

Konsumi i kafeinës brenda rekomandimeve të të rriturve të shëndetshëm nuk ka efekte negative në shëndet.

Hulumtimet madje kanë lidhur konsumimin e përditshëm të kafesë me shëndetin më të mirë të zemrës dhe jetëgjatësinë. Por nëse i përkisni një kategorie më të ndjeshme, nëse jeni shtatzënë ose ushqeni me gji, keni sëmundje koronare, ulcerë në stomak ose thjesht dëshironi të shijoni më shumë një filxhan, gjithmonë ekziston mundësia për kafe pa kafeinë. /Telegrafi/