E bija e narko-bosit meksikan El Chapo, prezanton birrën e re që bartë emrin dhe fotografinë e babait të saj

Që kur narko-bosi meksikan Joaquin “El Chapo” Guzman gjatë verës së kaluar u dënua me burgim të përjetshëm, bija e tij Alejandrina Guzmán Salazar po mundohet ta ruaj famën e tij me linjën e rrobave, por këtë javë ajo shkoi një hap tutje, kur prezantoi birrën që bartë emrin e babait të saj.

Alejandrina Guzmán Salazar lansoi në korrik të vitit të kaluar linjën e veshjeve “El Chapo 701”, datë kjo kur revista Forbes e futi në listën e personave më të pasur në botë, kurse këto ditë në panairin e mbajtur në Gvadalahar prezantoi markën e re të birrës, “El Chapo Mexican Lager”, transmeton Telegrafi.

Kjo birrë ende nuk ka dalë në shitje, por sipas zëdhënëses së kompanisë “El Chapo 701”, Adriana Uriarte, pasi që të marrin lejen nga Instituti përkatës në Meksikë, ajo do t’i shërbehet të gjithë dhe do të kushtojë katër dollarë.

Ajo është prodhuar në birrarinë La Chingoneria në Mexico City, dhe përmban vetëm 4 për qind alkool. Në shishe gjendet etiketa me ngjyrë bardhë e zi ku shihet Guzman me mustaqet e tij të famshme. /Telegrafi/