Dyshohet për kryerjen e disa vrasjeve me pagesë, përfshirë ekzekutimin me eksploziv të një 59 vjeçari në Gjakovë – arrestohet Dod Gjikolaj

Dod Gjikolaj, 41 vjeç është arrestuar sot gjatë një operacioni policor në qytetin e Gjirokastrës. 41-vjeçari person i shumë  kërkuar në  Kosovës, dyshohet se është vrarës me pagesë.

Gjikolaj ishte shpallur në kërkim ndërkombëtar dhe cilësohej nga drejtësia në Kosovë si person me rrezikshmëri të lartë shoqërore në fushën e krimeve ndaj personit.

Sipas informacioneve që jep Policia e Shtetit, 41-vjeçari është dyshuar si vrasës me pagesë për disa vrasje në Kosovë, me armë zjarri dhe eksploziv.

Arrestimi i tij erdhi gjatë një operacioni ku morën pjesë Fast Albania, DVP Gjirokastër, DVP Lezhë e Shkodër, Interpol Tirana dhe Fast Kosova, duke zbuluar vendndodhjen në Gjirokastër dhe më pas kapja e 41-vjeccarit banues në Velipojë.

“Ndalimi i këtij shtetasi u bë pasi Gjykata Themelore në Gjakovë, Departamenti për Krimet e Rënda me Vendim nr.26/18, datë 06.07.2020, ka lëshuar urdhër arresti ndërkombëtar në ngarkim të këtij shtetasi për veprat penale “Vrasje” dhe “Armëmbajtje pa leje të armëve dhe municioneve luftarake dhe shpërthyese””, bën të ditur policia.

Njoftimi i policisë:

Finalizohet operacioni policor i koduar “Kalaja”. Fast Albania, në bashkëpunim me Fast Kosova, DVP Gjirokastër, Lezhë e Shkodër dhe Interpol Tirana, në kuadër të operacionit të koduar “Kalaja” kapën një person me rrezikshmëri të lartë shoqërore në fushën e krimeve ndaj personit.

Kapet dhe ndalohet një shtetas i shpallur në kërkim ndërkombëtar, për krime ndaj personit me armë zjarri e eksploziv. 41-vjeçari i dyshuar si vrasës me pagesë për disa vrasje në Kosovë, me armë zjarri dhe ekspolziv.

Në zbatim të planit të masave për kapjen e personave që qarkullojnë me armë zjarri, atë që janë të shpallur në kërkim kombëtar e ndërkombëtar, apo që kryejnë trafiqe të paligjshme, falë informacioneve policore dhe koordinimit të veprimeve u organizua dhe u finalizua operacioni policor i koduar “Kalaja”.

Në kuadër të këtij operacioni i cili u zhvillua nga Fast Albania, DVP Gjirokastër, DVP Lezhë e Shkodër, Interpol Tirana dhe Fast Kosova, u bë e mundur lokalizimi i vendndodhjes në Gjirokastër dhe më pas kapja e shtetasit shumë të kërkuar nga drejtësia e Kosovës, D. Gj., 41 vjeç, banues në Velipojë Shkodër shtetas dyshohet si vrasës me pagesë për një sërë ngjarjesh me eksploziv e armë zjarri në Kosovë.