Dybala zbulon prapaskenat me Juventusin, Interin dhe si u bind nga projekti i Romës

Paulo Dybala është prezantuar ditën e sotme si lojtari më i ri i ekipit të Romës. Një lëvizje që befasoi jo pak opinionin sportiv.

Argjentinasi fillimisht ishte pranë rinovimit të kontratës me Juventusit, por në fund kjo nuk u arrit dhe lojtari ka treguar se çfarë ndodhi me “Zonjën e Vjetër”.

Pas largimit nga Torino, fantazisti ishte shumë pranë kalimit te Interi, por në fund edhe aty një marrëveshje nuk u arrit, me “zikaltërit” që e konsideruan të panevojshëm.

Lexo po ashtu Dybala thuhet se ka thyer rekordin e Ronaldos për më së shumti fanella të shitura brenda një dite

Ish-ylli i Juventusit u shpreh se nuk është ndjerë i tradhëtuar nga Interi dhe me Marotten vazhdon të ketë marrëdhënie të mirën, ndërsa për situatën të Juventusi ai dha këtë version:

“Drejtori Arrivabene ishte i qartë në deklaratat e tij. Ne kishim një marrëveshje për të nënshkruar në tetor, kompania na kërkoi të prisnim dhe asgjë. Në mars morëm lajmin nga klubi që nuk isha pjesë e projektit të ardhshëm. Nuk kishte probleme ekonomike, por klubi mori një vendim tjetër së bashku me trajnerin. Unë fola me ta, thashë që nëse ishte zgjidhja e tyre, nuk kishte ndonjë problem për mua”, deklaroi La Joya.

“Mendoj që është shpejtë të flasim për Scudetto në këto momente. Projekti është rritur në vitet e fundit si me ardhjen e futbollistëve dhe trajnerit. Të gjithëve ju pëlqen të fitojmë dhe ky duhet të jetë objektivi ynë ndeshje pas ndeshjes”.

Lexo po ashtu “Nënshkrimi i Dybalas është sikurse i Batistutas”- legjenda e Romës lavdëron afrimin e ri

“Inter? Ka pasur shumë skuadra të interesuara për mua, jo vetëm Interi. Kam raporte të mira me Marotten, mirëpo kur Pinto erdhi në Torino atëherë gjithçka ndryshoj”.

“Mourinho? Ai vendos se ku do të luaj dhe unë jam i gatshëm të luaj në pozita të ndryshme. Telefonata e tij ka qenë një kënaqësi enorme. Ai është një trajner fantastik, ndër më të mirët ndonjëherë”.

Lexo po ashtu Roma do t’ua prezantojë tifozëve Dybalan në një eveniment të përbashkët me Fendi

“Në Juventus kam mësuar se si fitohet, dhe do të mundohem që këtë mentalitet ta transmetoj tek bashkë-lojtarët e mi. Nuk e gjeja më veten pjesë të projektit tek Juventus, nuk ka të bëj fare çështja ekonomike, mirëpo nuk do të festoj nëse shënoj gol ndaj tyre”.

“Zaniolo? Të gjithë e dimë për kualitetet e tij. Kam biseduar me të, por zgjedhja në fund është e tij. Shpresoj që ai të mbetet dhe të luajmë bashkë tek Roma”, shtoi më tej Dybala. /Telegrafi/

LIVE | La conferenza stampa di presentazione di Paulo Dybala https://t.co/NuNeqxk6n4

— AS Roma (@OfficialASRoma) July 26, 2022