Dy klubet e Mançesterit në ‘luftë’ për shërbimet e Gnabryt

Si Manchester City, ashtu edhe Manchester United thuhet se është i interesuar për nënshkrimin e sulmuesit të Bayern Munich, Serge Gnabry në një marrëveshje prej 43 milionë euro këtë verë.

Kontrata e 26-vjeçarit me kampionët e Bundesligës skadon në vitin 2023 dhe të dy palët nuk kanë rënë dakord ende për kushte të reja.

Dhe tani, sipas The Sun, me gjigantët gjermanë të prirur për të fituar disa para nga lojtari kryesor në vend që ta humbin atë falas, City dhe United thuhet se të dy po e vëzhgojnë situatën e tij nga afër.

Gnabry – i cili bëri 18 paraqitje për Arsenalin përpara se të transferohej në Gjermani – thuhet se ka refuzuar një ofertë prej 230,000 eurosh në javë për të qëndruar në Mynih, duke i vënë klubet kryesore të Evropës në alarm të kuq.

Pep Guardiola mund të ketë nevojë të forcojë sulmin e tij këtë verë, me Raheem Sterling që pritet të transferohet në Londër dhe të nënshkruajë për Chelsean.

Gabriel Jesus pritet të konfirmohet gjithashtu si lojtar i ri i Arsenalit së shpejti, gjë që do t’i linte kampionët në sulm më shumë boshllëk dhe Guardiola mendon se Gnabry mund t’i përshtatet stilit të tij të lojës.

Reprezentuesi gjerman, i cili ka shënuar 65 gola në 171 ndeshje për Bayernin, mund të luajë në të dyja krahët dhe në mes, që do të thotë se shkathtësia e tij mund të jetë e dobishme për strategun spanjoll. /Telegrafi/