Drenusha paralajmëron Arionin e Dianën: Banorët po e shohin lidhjen e juaj si lojë

Drenusha ka diskutuar hapur me Dianën dhe Arionin lidhjen e tyre brenda shtëpisë, duke i paralajmëruar se banorët e tjerë po e shohin marrëdhënien e tyre vetëm si pjesë të lojës.

Gjatë një bisede në dhomën e gjumit, Drenusha ka theksuar se perceptimi i të tjerëve është shumë i rëndësishëm për mënyrën se si ata i shohin veprimet brenda shtëpisë dhe se lidhja e tyre mund të interpretohet ndryshe nga shikuesit.

“Dijeni edhe një send se tash në ‘Prime’ do të dalin dhe kanë ardhur të më pyesin për juve”, tha ajo.

“Banorët janë duke e parë lidhjen e juaj në kuadër të lojës” – ka thënë Drenusha, duke i këshilluar të dy se duhet të kenë kujdes, pasi çdo gjest apo veprim i tyre mund të merret në kontekstin e lojës.

Drenusha ka vazhduar të shpjegojë se kjo është diçka që është diskutuar edhe më parë me disa banorë të tjerë, duke përfshirë Mevlanin, me të cilin pati një debat për këtë çështje.

Ajo gjithashtu ka përmendur se Sara kishte ardhur dhe kishte shprehur mendimin e saj mbi situatën, duke shtuar se gjithçka po duket si një tentativë për të tërhequr vëmendjen e kamerave dhe të shikuesve.

“Unë thashë që ata e kanë veç të na bëjnë të fjalosemi ne, e të dalin në Prime” – ka shtuar Drenusha, duke sugjeruar se disa nga banorët e shtëpisë mund të jenë duke përdorur lidhjen e Dianës dhe Arionit për të krijuar lëvizje dhe spektakël që mund të tërheqë vëmendjen e audiencës dhe t’i bëjë ata të shfaqen më shumë në ekran. /Telegrafi/