Musliu: Problemi i Serbisë nuk është Vulini, por ai që e ka emëruar atë – Vuçiqi

Pas dorëheqjes së drejtorit të Agjencisë serbe për Siguri dhe Informacion (BIA) Aleksandar Vulin, drejtori i Institutit “Octopus”, Agim Musliu ka thënë se problemi i Serbisë nuk është Vulini, por presidenti i cili e ka emëruar atë, Aleksandar Vuçiq.

Musliu përmes një postimi në rrjetin social X ka shkruar se edhe drejtori tjetër i BIA-së do të jetë i njëjti, pasi siç u shpreh ai Vuçiqi udhëheq me Serbinë.

“Drejtori i Inteligjencës së Serbisë, Vulin dha dorëheqjen. Vulin nuk është problemi i Serbisë, por ai që e ka emëruar. Ky problem do të zgjidhet me dorëheqjen e Vuçiqit. Drejtori tjetër i BIA-së, do të jetë i njëjti, sepse i njëjti është dhe Vuçiq”, ka shkruar Musliu në X.

Ndryshe, drejtori i Agjencisë serbe për Siguri dhe Informacion (BIA) Aleksandar Vulin ka njoftuar sot se ka dhënë dorëheqje të parevokueshme nga ajo pozitë. /Telegrafi/

?? intelligence director #Vulin resigned. Vulin is not ?? problem, but the one who appointed him. This problem will be solved by the resignation of #Vucic! The other #BIA director will be the same, because Vucic is the same. pic.twitter.com/lmBgclPLs9

— Agim Musliu (@agim_musliu) November 3, 2023