Donadoni i nervozuar me referimin në humbjen ndaj Interit

Trajneri i Bolognas, Roberto Donadoni, ka kritikuar gjyqtarët për penalltinë e mos dhënë dhe dy kartonët e kuq ndaj Interit.

Ibrahima Mbaye u përjashtuar pas dy kartonëve të verdhë brenda katër minutash, kurse Adam Masina direkt me të kuq pasi shkeli në këmbë Lisandro Lopezin.

Ndeshja përfundoi me rezultat 2-1, për vendasit shënuan Eder dhe Yann Karamoh, ndërsa golin për mysafirët e shënoi ish-sulmuesi zikaltër, Rodrigo Palacio.

“Ka keqardhje që përfunduam ndeshjen me nëntën lojtarë, por pavarësisht të gjithave ne gati barazuam”, ka thënë Donadoni për Mediaset Premium.

Trajneri i Bolognas u ankua që gjyqtari nuk dha penallti te prekja me dorë nga Danilo D’Ambrosios.

Lexo po ashtu Vazhdon plasaritja e marrëdhënieve të Brozovic me tifozët: Ata e fishkëllejnë, kroati ua kthen duke duartrokitur me ironi

“Ata e interpretojnë dhe e vendosin ashtu siç e shikojnë të arsyeshme, nuk ka arsye të flasim për atë. Dora e tij nuk ishte e kapur për trupin”.

“Gjëja që më bezdis më së shumti janë kartonët. Mbaye u ndëshkua fillimisht se u provokua, ndërsa për kartonin e Masinas mendoj se duhet të shikojmë ngjarjen në përgjithësi”, ka shtuar Donadoni. /Telegrafi/

https://www.youtube.com/watch?v=l5w3bkWIboo