Doli në krah të sauditëve, Erdogan kërkon dorëheqjen e kryetarit të Federatës Turke të Futbollit

Pas anulimit përfundimtar të ndeshjes së Superkupës së Turqisë mes Fenerbahces dhe Galatasaray në Riad të Arabisë Saudite, nuk vonoi shumë që skandali të përhapet më tej.

Ndeshja ishte dashur të zhvillohej dje (e premte) në Riad, por sauditët i ndaluan futbollistët të veshin fanella me imazhin e Mustafa Kemal Ataturkut në 100 vjetorin e formimit të Republikës së Turqisë dhe të dyja skuadrat vendosën të mos luanin për shkak të kësaj.

Megjithatë, mediat turke zbuluan se një turk, më i fuqishmi në futbollin turk, doli në anën e sauditëve dhe avokoi që ndeshja të luhej pa një akt patriotik para ndeshjes.

Lexo po ashtu Anulohet Superkupa e Turqisë, nuk lejoheshin pankartat dhe bluzat e Ataturkut

Përkatësisht, presidenti i Federatës së Futbollit të Turqisë, Mehmet Buyukeksi, me sa duket për shkak të parave të dhëna nga sauditët, ka kërkuar nga presidentët e Fenerit dhe Galatas që t’i dërgojnë lojtarët në fushë pavarësisht ndalimit për veshjen e fanellave me imazhin e themeluesit të Turqisë dhe ky akt u dënua menjëherë nga publiku turk.

“Turp të kesh, na turpërove para botës. Mos u kthe në Turqi, këtu nuk ka vend. Bëhu qytetar i Arabisë Saudite”, ishte mesazhi i ashpër që i dërgoi gazetari Adnan Aybaba.

Yazıklar olsun Mehmet Büyükekşi yazıklar olsun federasyon yönetim kurulu Dünyaya bizi rezil ettiniz sakın Türkiye’ye dönmeyin yatacak yeriniz yok Suudi Arabistan Vatandaşı olun yönetim kurulu ile birlikte Suudi futbolunu yönetin 100. Yılı Türkiye Cumhuriyeti’nin???????? pic.twitter.com/8w19r0ghQI

— Adnan Aybaba (@AdnanAybaba_tv) December 29, 2023

Sipas mediave turke, Buyukeksi u sëmur pas linçimit publik ndaj të cilit u ekspozua dhe një ambulancë u detyrua të përgjigjej.

Buyukeksi tani është nën presion të madh të opinionit turk dhe disa media turke raportuan se presidenti i Turqisë, Recep Tayyip Erdoaan, është përfshirë në gjithçka dhe ka kërkuar dorëheqjen e tij nga posti i presidentit të Federatës së Futbollit të Turqisë.

Mehmet Büyükekşi fenalaştı. (Ajansspor) pic.twitter.com/tqBgayW1V1

— Boşuna Tıklama (@bosunatiklama) December 29, 2023

Buyukeksi është president i Federatës së Futbollit të Turqisë që nga 16 qershori i vitit të kaluar dhe duket se turqit do të hyjnë në vitin 2024 pa liderin e futbollit turk.

Është interesante se në Wikipedia, statusi i tij tashmë është ndryshuar në “ish-president i Federatës së Futbollit të Turqisë”, por ende nuk ka një konfirmim zyrtar për dorëheqjen e tij. /Telegrafi/

Cumhurbaşkanı Recep Tayyip Erdoğan, TFF Başkanı Mehmet Büyükekşi’nin istifasını istedi. (Oda TV) pic.twitter.com/EVn1pMOiQD

— Boşuna Tıklama (@bosunatiklama) December 29, 2023