PZAP anulon zgjedhjet në Komunën e Hanit të Elezit – dyshohet se pati shitblerje të votave

“Procesi i votimit do të përsëritet vetëm për kryetar komune, për shkak të minimit të integritetit të zgjedhjeve si rezultat i presionit dhe organizimit me qëllim të përfitimit të mbështetjeve të votuesve”, thuhet në vendimin e PZAP-së.

Arsyetimi i PZAP-së:

“Me datë 18.10.2021, PZAP-i ka pranuar ankesë nga kandidati i pavarur, Rufki Suma i cili pretendon se gjatë netëve të fundit të zgjedhjeve lokale në Komunën e Hanit të Elezit, simpatizantët e PDK-së kanë bërë presion mbi qytetarët ku çdo qytetar e kanë përcjellë me veturë dhe i kanë bërë ultimatum që most ë futet nëpër shtëpi, poashtu dyshojmë se janë shpërndarë mjete për blerjen e votive. Parashtruesi i ankësës thekson se kanë lajmëruar policinë port ë njejtit nuk kanë dalë për t’i shpërndarë turmën e njerëzve. Po ashtu edhe vizitat e simpatizantëve në vendvotime siç është Paldencë dhe Gorancë”.

Suma në ankesën e parashtruar në PZAP kishte thënë se këto fakte mund të vërtetohen përmes kamerave, por që zëri nuk iu dëgjohet.

Ai po ashtu kishte bashkëngjitur në ankesë një CD me video.

Procesi i numërimit të tyre ka filluar të enjten pasdite në Qendrën e Numërimit dhe Rezultateve.

KQZ-ja ka lënë mundësinë që të shtohen në këtë listë edhe ndonjë vendvotim tjetër.

Në QNR pritet që gjatë kësaj jave të fillojë edhe numërimi i votave me kusht, votave të personave me nevoja të veçanta dhe votave të ardhura përmes postës nga votuesit nga jashtë.

Shefi i Sekretariatit të KQZ-së, Burim Ahmetaj, ka treguar se gjatë pranimit të materialeve në QNR një numër i vendvotimeve nuk ka mundur të procesohen si të rregullta, shkaku i disa parregullësive, si ndërrimit të numrave të sigurisë, mospërputhje të numrit të votuesve me kusht dhe numrit të fletvotimeve me kusht.

Vendimin e PZAP-së mund ta gjeni KËTU./Telegrafi/