Djali i Pirlos tregon se merr kërcënime me vdekje në baza ditore

Nicolo Pirlo – djali i trajnerit të Juventusit, Andrea Pirlo, i ka publikuar mesazhet kërcënuese me vdekje për të dhe babanë e tij, ndërsa ka thënë se i merr në baza ditore.

Legjenda italiane e futbollit ka dështuar në sezonin e tij të parë në Allianz Stadium duke i marrë Bianconerët nga kampionë të Serie A (nëntë herë radhazi), kurse nën drejtimin e tij, Zonja e Vjetër rrezikon edhe kualifikimin në Ligën e Kampionëve.

Djali i Pirlos tash ka treguar se pranon mesazhe të pakëndshme nga persona që deklarohen si tifozë të Juves.

View this post on Instagram

A post shared by NICOLÓ PIRLO (@nickpirlo_10)

“Ka një kufi për gjithçka dhe ky kufi është tejkaluar tash e një kohë. Të gjithë e kanë fuqinë të thonë çfarëdo që duan, por në këtë rast faji im është vetëm pse jam djali i një trajneri, që siç duket, dikujt nuk i pëlqen”.

Lexo po ashtu Pirlo nuk është i vetmi që rrezikon të mbetet pa punë te Juve

“Vendoseni veten në këpucët e mia, si do të ndiheshit?”, ka shkruar 17-vjeçari në Instagram, ndërsa transmeton Sky Sport Italia.

Ai i ka bashkëngjitur një sërë të mesazheve kërcënuese, në mesin e të cilave nuk mungojnë edhe të tilla, si: “Duhet të vdesësh bashkë me babanë tënd”. /Telegrafi/