Djali i Labinot Tahirit aktor në serialin “O sa mirë”

Këngëtari, ish deputeti dhe humanisti i njohur Labinot Tahiri është mysafiri i radhës në emisionin “Leksikoni” me Drilona Shala, në Radio Dukagjini.

Mes rrëfimesh për jetën dhe familjen Labi ka zbuluar se djali i tij ka pasion aktrimin dhe shumë shpejtë do ta shohim si aktor në serialin vendor “O sa mirë”.

“Eltoni ka shumë pritje për aktrim. Unë këtu po e shfrytëzoj rastin me e thënë për herë të parë se seriali “O sa mirë” e kanë pranuar për me aktrua dhe do ta shohim në episodet në vazhdim”, ka theksuar Labi duke shprehur falënderim ndaj atyre që i kanë besuar talentit të Eltonit.

Duke folur për angazhimin e tij si ish deputet, Labinot Tahiri përsëriti se ka 1 vit që nuk ka udhëtuar jashtë Kosovës duke e mbajtur premtimin se nuk udhëton pa e pasur edhe qytetarët të drejtën e udhëtimit pa viza.

Por duke qenë tashmë jashtë përgjegjësive politike zyrtarisht këtë vendim po e rimendon.

“Po mundohem me prit liberalizimin, kam kërkesa të shumta për udhëtime jashtë vendit. Kam ftesa edhe për vitin 2021 por ta shohim.

Po më duhet me prit liberalizimin, tash nuk jam në institucione por karakteri nuk po ma lejon me dal nga ai premtim”.

Ndryshe jashtë angazhimeve me muzikë dhe politikë Labi vazhdon të jetë aktiv me aktivitete humanitare dhe punën e fondacionit të tij.

Emisionin “Leksikoni” me Labinot Tahiri mund ta ndiqni të martën në Radio Dukagjini duke filluar nga ora 22:00 ose online në dukagjini.com.