Djajtë e Kuq nuk i ndahen Nainggolanit, dërgojnë skautë për ta përcjell nga afër

Mediat angleze njoftojnë se trajneri i Manchester Unitedit, Jose Mourinho ka dërguar skautë në Itali gjatë fundjavës për të parë nga afër mesfushorin e Romës, Radja Nainggolan.

Menaxheri i Manchester United është një admirues afatgjatë i 29-vjeçarit belg, i cili u bashkua me ekipin e Serie A nga Cagliari në vitin 2014 dhe ishte i lidhur me një lëvizje për të gjatë verës.

Lexo po ashtu L’Equipe zgjedh formacionin më të mirë që këtë vit do të luajnë në Serie A (Foto)

Mourinho kuptohet se po bën plane për pensionimin e anglezit Michael Carrick dhe reprezentuesi i Belgjikës është zgjedhja e tij e parë për ta zëvendësuar atë.

Nainggolan, i cili ka dy asistime dhe një gol në këtë fillimit të kampionatit këtë sezon, luajti 90 minuta të plota në ndeshjen që Roma e fitoi ndaj Udineses me rezutlat 3-1.

Lexo po ashtu Zyrtare: Nainggolan vazhdon kontratën me Romën (Foto)

Sipas The Mirror, skautët e Djajve të Kuq janë ndarë të kënaqur me lojën e treguar nga belgu, dhe anglezët pritet ta bëjnë një ofertë në drejtim të Romës për shërbimet e tij.

Mediat angleze theksojnë se skuadra e Mourinhos po përgatit ofertën për afatin kalimtar veror, pasi gjatë janarit nuk kanë shpresa se mund ta materializojnë një të tillë.

Oferta që po përgatisin Djajtë e Kuq mendohet të jetë e lartë rreth 80 milion euro.

Për Nainggolanin interesim kanë shprehur edhe gjigantët anglezë të Interit. /Telegrafi/