LAJMI I FUNDIT:

Ditë të mira për KB Pejën, ‘Elkos Group-Etc’ do ta sponsorizojë klubin

Ditë të mira për KB Pejën, ‘Elkos Group-Etc’ do ta sponsorizojë klubin

KB Peja pas rikthimit në Suprligën e basketbollit, po vazhdon të mbëtshtet fuqishëm nga komuniteti i biznesit.

Klubi pejan ka njoftuar se kanë arritur marrëveshje me kompaninë ‘Elkos Group-Etc’ që udhëhiqet nga biznesmeni i njohur kosovar Ramiz Kelmendi, i cili do ta mbështet klubin duke u bazuar në Ligjin për Sponsorizimin të Sportit të Republikës së Kosovës.

Lajmin për mbështetjen dhe kontratën është konfirmuar nga të dyja palët.


KB Peja
Lexo po ashtu KB Peja

Njoftimi i plotë i shkruan nga Ramiz Kelmedi: “Të dashur miq, Bazuar në Ligjin për Sponsorizimin e Sportit të Republikës së Kosovës, kam kënaqësinë t’ju njoftojë se sot kemi nënshkruar Marrëveshje Sponsorizimi një vjeçare me Klubin e Basketbollit ‘PEJA’”.

“Me përfaqësues të KB ‘Peja’, në praninë e punonjësit të vyer sportiv, zv/Ministrit në detyrë Fatmir Gashi, jemi dakorduar që Kompania ‘ELKOS Group-Etc’ dhe KB ‘Peja’ të rrugëtojnë bashkërisht në shtigje të gjata drejt suksesit dhe rikthimit të namit të qytetit të Pejës, Peja – Qytet i basketbollit!”, shkruan Ramiz Kelmendi.

Në anën tjetër me falënderimet më të mëdha për Kelmendin dhe ‘Elkos Group-Etc’, ka reaguar edhe KB ‘Peja’.

Postimi i plotë: “Gjiganti ELKOS Group ne krye me z. Ramiz Kelmendin dhe Egzon Kelmendin dhe brendet e tij i bashkohen KB Pejës”.

“Kompania e mirënjohur ELKOS Group i është bashkuar klubit tonë si sponzor dhe ka shprehur vullnetin të kontribuojë në klubin e qytetin”.

“Kontributi i ELKOS Group do jetë një ndër bukuritë e hershme të këtij sezoni. Ky “përforcim” është më se i nevojshëm për ne si klub dhe në sport ne përgjithësi. ELKOS Group nuk ka hezituar të investojë dhe suportoj klubin e basketbollit siç nuk ka ka hezituar edhe me Kampionen e qytetit Majlinda Kelmendi e shumë e shumë klube dhe sportist tjerë”.

“ELKOS Group tashmë ka ndarë buxhetin për klubin dhe besojmë se me kontribute të tilla, suksesi dhe përparimi i klubit do jetë shumë më i madh në vitet në vazhdim”.

“Faleminderit ELKOS Group, ndjehemi të privilegjuar dhe krenar me juve në klub. – Përpara Pejë #ZemraRrehMeTy , shkruan në reagimin e KB ‘Peja’.

Peja është një nga pretendentët për tu futur në play-off, nga ku do ta kërkojë edhe titullin e kampionit. /Telegrafi/