DioGardi: E ardhmja dhe puna e Lobit Shqiptaro-Amerikane është gjithmonë afirmimi i çështjes shqiptare

Në Pallatin e Rinisë dhe Sporteve në Prishtinë, u mbajt një video konferencë në mes të ish kongresmenit, njëherit presidentit të Lidhjes Qytetare Shqiptaro –Amerikane (LQSHA), Josef Diogardi, si dhe të pranishmeve në sallë të cilët ishin mysafirë të ftuar nga përfaqësuesja e Lobit Shqiptar në Kosovë, Fatbardha Basha Sheholli.

Gjate konferencës, Joseph DioGuardi shpalosi punën për dekada me radhë për shqiptarët e Amerikës dhe ata që jetojnë në Evropë e Ballkan.

“E ardhmja dhe puna e Lobit Shqiptaro-Amerikane është gjithmonë afirmimi i çështjes shqiptare”, tha DioGardi.

Ndërkaq, Basha-Sheholli u shpreh se kontributi i DioGardit dhe bashkatdhetarëve tanë në SHBA dhe gjithkund në botë duhet të falënderohet dhe mos të harrohet kurrë brez pas brezi e në veçanti për Kosovën dhe gjitha trevave ku jetojnë shqiptarët!

Ndër të tjera ajo theksoi se qëllimi i këtij takimi dhe bashkëbisedimi virtual është arsyeja e ndërrimit të administratës amerikane dhe ardhja në krye të Amerikës, Presidenti Joe Biden, mbështetës i madh i Kosovës, që nga vitet e 90-ta.

“DioGuardi edhe pse në moshë të shtyrë por me vullnet të madh, me zemër e me shpirt e do Kosovën dhe shqiptarët. Me ndërrimin e pushteteve në Kosovë synon për një frymë demokratike që proceset në Kosovë të zhvillohen konform politikave amerikane”, tha tutje Basha-Shaholli, njofton Telegrafi.