Diamant Salihu, gazetari i mirënjohur suedez me origjinë nga Kosova është nominuar për çmimin Wallenberg 2023.
Në një postim të Ambasadës suedeze bëhet e ditur se ky çmim ndahet nga Akademia Raoul Wallenberg.
Raoul Wallenberg, ishte arkitekt, diplomat dhe humanitst suedez i cili shpëtoi mijëra hebrenj në Hungari gjatë Holokaustit dhe fazave të mëvonshme të Luftës së Dytë Botërore.
Çmimi Wallenberg jepet për "individët, organizatat dhe komunitetet, guximi, vetëmohimi dhe suksesi i të cilëve kundër vështirësive të mëdha, personifikojnë vlerat për të cilat u shqua dhe luftoi Raoul Wallenberg".
Ky çmim do të ndahet më 27 gusht 2023. /Telegrafi/
