Di Maria: Ronaldo përfaqëson punën, Messi është talent i pastër – diferenca është e madhe

Angel Di Maria ka folur sërish për krahasimin mes ish-bashkëlojtarit të tij te Real Madridi, Cristiano Ronaldo, dhe argjentinasit, Lionel Messi. Di Maria e bëri të qartë se ai beson se ka një hendek të madh mes dy lojtarëve.

Debati mbi Messin dhe Ronaldon ka qenë më i përfoluri për thuajse dy dekada, me njerëzit që kanë qenë shumë të ndarë.

“Mendoj se Leo Messi ka më shumë dimensione si futbollist se Cristiano. Unë kam thënë gjithmonë të njëjtën gjë dhe do të vazhdoj ta them”, ka thënë fillimisht Di Maria.

“Ata janë dy lojtarët më të mirë në histori, por Messi përfaqëson një diferencë të madhe me Cristianon”.

Ai vazhdoi të shpjegojë dallimet mes tyre, pasi ka luajtur së bashku me ta për një kohë të gjatë.

“Cristiano përfaqëson punën, punën, vetëm punën. Messi është një talent i pastër, një dhuratë nga Zoti. Ai nuk ka nevojë për asnjë përpjekje, ai është më i miri në këtë”.

Di Maria, në fund theksoi se talenti i Messit është unik.

“Kjo është arsyeja pse dallimi mes tyre është kaq i madh, Leo nuk mund të krahasohet me askënd”, përfundoi argjentinasi. /Telegrafi/