Dhimbja e veshit

Nëse jeni duke u ballafaquar me dhimbje të veshit nuk jeni të vetmit.

Dhimbja e veshit është një nga arsyet e zakonshme që ne shkojmë tek mjeku çdo vit, dhe mund të jetë simptomë e një infeksioni ose e një sëmundje ekzistuese.

Në shumicën e rasteve, dhimbja e veshit nuk është e rrezikshme. Rrallë është shenjë e një sëmundjeje të rëndë, trajtimi varet nga shkaku, por jo mund të aplikoni disa metoda shtëpiake.

Pse na dhembë veshi?

Shumë gjëra mund të bëjnë që veshët të na dhëmbin. Ekspertët shëndetësorë e ndajnë dhimbjen e veshit në dy kategori, dhimbja primare e veshit dhe dhimbja dytësore.

Shkaqet e mundshme të dhimbjes primare të veshit janë: Barotrauma (ndryshimet e presionit të ajrit ose ujit), grumbullimi i dyllit të veshit, mosfunksionimi i tubit Eustachian, mund të ketë objekt të huaj në veshin tuaj, infeksionet e veshit të brendshëm, infeksionet e veshit të mesëm, shkëputja e daulles së veshit dhe veshi i notarit.

Shkaqet e zakonshme të dhimbjes dytësore të veshit janë: Alergjitë, ftohjet, dhimbjet e dhëmbëve, tonsiliti, dhimbje fyti, sinusiti.

Komplikimet

Dhimbja e veshit nuk është gjithmonë një shenjë e diçkaje serioze. Por nëse zgjat më shumë se tre ditë, duhet të shkoni tek vizitë te mjeku.

Nëse keni infeksion, ai mund të përhapet në strukturat e afërta si tek nofulla ose kafka e juaj. Nëse nuk trajtohen, infeksionet e veshit mund të çojnë në komplikimet serioze mastoiditi ose meningjiti.

Ju mund të ndaloni dhimbjen e veshit me këto kushte shtëpiake

Aplikoni diçka të ngrohtë ose diçka të ftohtë. I ftohti mund të zvogëlojë dhimbjen dhe inflamacionin ndërsa nxehtësia relakson muskujt tuaj dhe përmirëson rrjedhjen e gjakut.

Ngrini kokën lart. Kjo ndihmon në lehtësimin e presionit brenda veshit tuaj.

Përdorni pika veshi pa recetë. Pyesni ekspertin shëndetësor se cili lloj është më i miri për situatën tuaj. Mos përdorni pika veshi nëse keni këputje të daulles së veshit.

Kur duhet të trajtohet dhimbja e veshit nga një mjek apo ekspert i kujdesit shëndetësor?

Ndonjëherë, dhimbjet e veshit largohen vetë. Por nëse keni ende dhimbje veshi pas tre ditësh, duhet të telefononi një mjek tuajin. Ju gjithashtu duhet t’u tregoni atyre nëse zhvilloni:

Të dridhura;

Drenazhimi i veshit;

Temperaturë 39.4 gradë Celsius ose më të lartë;

Dhimbje të shpeshta veshi;

Të përziera apo të vjella;

Humbje të dëgjimit;

Dhimbje të forta të fytit;

Ënjtje ose ndryshim të ngjyrës së lëkurës rreth veshit tuaj. /Telegrafi/