Një ndërtesë e vjetër e “Zhitoprometit” në Mostar të Bosnjës, prej muajsh është bërë temë kryesore në disa media lokale, kjo për faktin autoritetet lokale dështuan dy herë më radhë ta rrënojnë objektin.
Në tentimin e parë, objekti kishte mbetur i varur në mënyrë të pjerrët dhe kishte mbetur ashtu prej disa javëve, kur edhe tentuan për herë të dytë ta rrënojnë, transmeton Telegrafi.
Megjithatë, pas tentimit të tretë ia arritën qëllimit. Ajo u rrënua dhe pjesët e saj u shpërndan nëpër tokë.
Pas dy tentimeve ishte bërë atraksion turistik, ku shumë qytetarë nga pjesë të ndryshme të Bosnjës shkonin për ta vizituar dhe fotografuar para saj.
Shumë qytetarë të Mostarit e kanë krahasuar me kullën e Pizës, duke u shtirur se kinse janë në Itali dhe po fotografohen pranë saj. /Telegrafi/
