Dëshironi të udhëtoni me anije falas nëpër botë, kurse për publikimin e tri fotove të fitoni 61.200 euro, këto janë kushtet që duhet t’i plotësoni (Foto)

Kompania për organizimin e udhëtimeve me anije gjigante kërkon një person “profesional” për pushime, ku të vetmen detyre do ta ketë të postoj tri fotografi në Instagram gjatë udhëtimit treditor me anije nëpër botë, kurse për këtë do të paguhet 61.200 euro.

Kandidati që e fiton punën në kompaninë Royal Carribean International, do të fitoj një udhëtim falas me anije nëpër botë, kurse puna e vetme që duhet të bëjë është që këtë ta dokumentoj duke postuar fotografi në rrjete sociale. Gjatë çdo udhëtimi detyrohet çdo ditë të postoj nga tri fotografi, transmeton Telegrafi.

Por ajo çfarë duhet të shfaqet në këto fotografi janë: deti, porti detar, horizonti, hapësirat e anijes, përvojat e paharruara dhe njerëzit interesant. Person interesant mund të jetë dikush nga anija që i ka treguar ndonjë histori interesante, apo anëtarë i ekuipazhit me rol të caktuar, apo dikush nga ishulli që e takojnë gjatë udhëtimit. Gjatë çdo udhëtimi i punësuari duhet të shkoj në tre ekskursione nëpër ishuj të ndryshëm.

Kur është fjala për postimet, nënkuptohet se duhet t’i bind përdoruesit e tjerë të Instagramit që të shkruajnë për përvojat e tyre apo rekomandimet se çfarë do të duhej të bënit gjatë një udhëtimi me anije.

Ai apo ajo gjithashtu duhet të realizoi një video gjatë udhëtimit. Ndërsa kandidatët e suksesshëm gjatë tri javëve të para do të fitojnë nga 3.500 euro, por do t’i kenë të paguara të gjitha shpenzimet, ku përfshihet fjetja dhe ushqimi.

Royal Caribbean do të fillojë të pranoj aplikacionet nga sot dhe atë ekskluzivisht në Instagram. Siç thuhet në shpalljen e tyre, ata “kërkojnë një person profesional” që do të dokumentoj udhëtimet e veta, transmeton Telegrafi.

Një studim që e ka realizuar së fundmi kjo kompani, ka konstatuar se afro 48 për qind e udhëtarëve fillimisht shikojnë komentet e njerëzve nëpër rrjetet sociale, derisa 34 për qind prej tyre kanë deklaruar se kurrë nuk do të niseshin në ndonjë udhëtim para se të kontrollonin rrjetet sociale.

Rëndësi e internetit në planifikimin e udhëtimeve është e theksuar tek të rinjtë të moshës 18 deri në 24 vjeç, derisa 51 për qind prej tyre kanë deklaruar se për planifikimin e udhëtimeve bazohen ekskluzivisht në rrjetet sociale. Një e treta e tyre besojnë se burimi kryesor i informacioneve është Instagrami.

Kur është fjala për kandidatët që do të lajmërohen, kompania do ta zgjedh nëpunësin e tyre sipas pamjes së tyre fizike, aftësive në komunikim dhe origjinalitetin që e shfaqin në Instagram. /Telegrafi/