Deschamps vlerëson lartë Shqipërinë

Përgjatë karrierës së tij aktive, Didier Deschamps është cilësuar si një nga mesfushorët mbrojtës më të mirë në Evropë.

Ndërkaq, tash si trajner i kombëtares franceze pritshmëritë janë të mëdha pasi që Franca është edhe organizator i evropianit të futbollit.

Francezi ka analizuar të gjitha kombëtaret e grupit A, ku gjenden Rumania, Zvicra dhe Shqipëria, ku këtë të fundit e ka konsideruar si skuadër të fortë duke kujtuar barazimin në Rennes të Francës dhe humbjen në Elbasan Arena, transmeton Telegrafi.

“Ne shpresojmë që të gjejmë një mënyrë për t’i zgjidhur problemet që kishim gjatë ndeshjeve kualifikuese kundër ekipit të Shqipërisë (barazim në Rennes, humbje në Elbasan). Këtu ka të bëjë dhe fati. Nuk mund të pretendojmë se Shqipëria ishte vetëm një surprizë”, ka thënë Deschamps.

Kujtojmë se 47-vjeçari ishte kapiten i ekipit që fitoi Kupën e Botës më 1998 në Francë, ndërsa u zgjodh si mesfushorët më të mirë mbrojtës të Evropës.

Dy vjet më pas, francezi fitoi edhe Kampionatin Evropian, të zhvilluar në Belgjikë dhe Holandë. Menjëherë pas këtij turneu, Didier e mbylli kapitullin me ekipin kombëtar. /Telegrafi/