Derkoski: Qytetarët në mënyrë masive duhet të dalin të votojnë dhe të mos frikësohen për shëndetin e tyre

Kryetari i Komisioni Shtetëror për Zgjedhje, Oliver Derkoski ju bëri thirrje qytetarëve të dalin në mënyrë masive për votime dhe të mos frikëoshen për shëndetin e tyre, për shkak se, sipas tij, KSZH është përkujdesur t’i furnizojnë me material mbrojtës të gjitha këshillat zgjedhor dhe këto ditë do të bëhet edhe dezinfektimi i vendvotimeve në vend.

Derkoski si i pari i KSHZ-së sot personalisht bëri kontroll të shpërndarjes së materialit zgjedhor për votim që do të përdoret në zgjedhjet kuvendare e që u përpunua nga shtypshkronja “Kiro Dandaro’ – Manastir, përcjell Telegrafi Maqedoni.

“Materiali do të dorëzohet në të gjitha komisionet zgjedhore, dhe ato gjatë ditës së nesërme do të dorëzojnë te këshillat zgjedhor. Procesi po zhvillohet pa ndalë me organizim të shkëlqyer, dhe kjo do të thotë se do të përfundojë në afatin e paraparë. Përgatitjet e KSHZ-së për gjithë procesin zgjehdor po zhvillohen pandalë, posaçërisht jemi të përkushtuar në pjesën që ka të bëjë me mbrojtjen e shëndetit dhe ju bëj thirrje qytetarëve që masivisht të dalin për votime, të mos kenë frikë për shkak se ne jemi përkujdesur që t’i furnizojmë këshillat zgjedhor me maska mbrojtëse, që edhe ata qytetarë që nuk mund të blejnë apo mbajnë maskë për arsye të ndryshme, të marrin maskë dhe të realizojnë të drejtën e tyre të votës”, tha Derkoski.

Në shtypshkronjën ‘Kiro Dandaro” Manastir janë përpunuar 1.814.263 fletvotime me cilësi të lartë dhe me 20 forma të mbrojtjes pa asnjë mundësi për falsifikim.

“Garantojmë për mbrojtjen e lartë të procesin zgjedhor”, tha Dragi Milloshevski, drejtori i shtypshkronjës./Telegrafi/