Deklarata dhe postimi Vojvodës pas ndeshjes me Rumaninë bën jehonë edhe në mediat italiane

Mbrojtësi i Përfaqësueses së Kosovës, Mërgim Vojvoda, i cili luan në Serie A me Torinon ka bërë mediat italiane të shkruajnë për të pas deklaratave dhe reagimeve të mbrëmshme pas humbjes së Kosovës nga Rumania.

Kosova u mposht nga Rumania me rezultat 2-0 në ndeshjen e Grupit I në kuadër të kualifikimeve për Euro 2024.

Megjithatë, kjo ndeshje pati shumë tensione, u ndërpre për gati një orë shkaku i pankartës “Kosova është Serbi” dhe thirrjeve raciste dhe nacionaliste nga tifozët rumun.

Lexo po ashtu Mundo Deportivo: Rumania mund ta humbë me rezultat zyrtar ndeshjen me Kosovën

Kjo pankartë dhe këto thirrje raciste bën të gjithë në kampin e Dardanëve të reagojnë dhe njëri nga më të zëshmit padyshim se ishte drenicasi Vojvoda.

Mbrojtësi i Torinos pas ndeshjes deklaroi se “këto gjëra janë të papranueshme në 2023. Kanë ofenduar vendin tonë”.

Ai gjithashtu shtoi se ekipi nuk duhej të kthehej në fushë pas gati një ore në zhveshtore, pasi Rumania u tregua mos-respektuese ndaj Kosovës.

Lexo po ashtu Vojvoda: Këtyre u qoftë falë që nuk është gjallë Adem Jashari, është e pakuptueshme të ndodh kjo në vitin 2023

Përveç kësaj, Vojvoda më vonë shfrytëzoi profilin e tij privat në Instagram për të bërë edhe një reagim tjetër.

“Turp për Rumaninë dhe mënyrën se si mendon. FIFA bëni punën tuaj dhe lëreni respektin të dominojë lojën. Krenaria jonë me e madhe është se jemi shqiptar”, shkroi mbrojtësi në postimin e tij.

Lexo po ashtu "Krenaria jonë më e madhe është se jemi shqiptar" - Mërgim Vojvoda vjen me një deklaratë tjetër në rrjetet sociale

Këto deklarata dhe ky postim u bën shkas që mediat italiane të shkruajnë të gjithë për mbrojtësin e Torinos.

“Mërgim Vojvoda i tërbuar pas Rumani-Kosovës”, ishte shkrimi i La Gazzetta dello Sport, ndërsa lajme shkruan edhe “calcionews24.com” dhe “toronews.net”. /Telegrafi/