Edon Zhegrova ka bërë për vete tifozët e Juventusit qysh në ndeshjen e parë me fanellën e klubit bardhezi.
Juventusi luajti të martën mbrëma me Borussia Dortmundin në ndeshjen e parë të fazës së ligës në Ligën e Kampionëve 2025/26.
Ky takim ishte i zjarrtë pasi u shënuan tetë gola në pjesën e dytë, me ekipet që morën nga një pikë pas një barazimi 4-4.
Megjithatë, Zonja e Vjetër deri në minutat e fundit ishte duke humbur 2-4 dhe njëri nga lojtarët që ndikoi në barazimin e rezultatit ishte pikërisht ylli kosovar, Zhegrova.
Zhegrova mori minutat e parë me fanellën e Juventusit pas transferimit në ditën e fundit të afatit kalimtar, duke u inkuadruar në minutën e 87-të në vend të Kenan Yildiz.
Në minutën e katërt shtesë, Juventusit shënoi me anë të Dusan Vlahovic për 3-4 dhe në minutën e gjashtë shtesë ishte Lloyd Kelly, i cili vulosi barazimin 4-4 dhe te ky gol ishte Zhegrova ai i cili nisi gjithçka nga këmbët e tij.
Ky ndikim i sulmuesit prishtinas ka bërë për vete tifozët bardhezi, të cilat me anë të postimeve të ndryshme kanë lavdëruar Zhegrovën.
Më poshtë mund t'i shihni disa nga postimet rreth Zhegrovës. /Telegrafi/
