Manchester City ia doli të fitonte miminalisht ndaj Newcastle United (1-0) - por protagonistët nuk ishin ata në fushë në këtë përballje.

Nga fundi i ndeshjes, Pep Guardiola u pa duke debatuar me një tifoz të Manchester Cityt në tribuna.

Pas ndeshjes, trajneri spanjoll ka zbuluar atë që i tha tifozi dhe ai nuk kishte ngurruar t'i kthente përgjigje.

"Ai më kërkoi të bëja më shumë zëvendësime dhe unë i thash që të vinte të ulej në vendin tim", ka thënë Guardiola para gazetarëve me shaka.

Tifozi u pa duke qeshur me reagimin e spanjollit, derisa tifozi që ishte afër tij nuk e besonte se po debatonin me strategun e Man Cityt. /Telegrafi/

Premier League Sport
telegrafi sport app