Kur është fjala për Donald Trumpin, Robert De Niro nuk i zgjedh fjalët. Gjatë një xhirimi për fushatën “#VoteYourFuture”, aktori legjendar mes tjerash është pyetur se për çfarë shqetësohet.
Në përgjigjen e tij, ai ka thënë se shqetësohet për drejtimin që po marrin Shtetet e Bashkuara të Amerikës, ndërsa për ta qartësuar, ka thënë disa fjalë për kandidatin presidencial të republikanëve.
De Niro e quan Trumpin: Qen, derr, budalla, idiot...
“Ai është një llafazan budalla. Është një njeri pa vlerë. Është një qen. Është një derr. Është një mashtrues, është një ndyrësi. Një qen që nuk e di se çfarë po flet”, janë disa nga fjalët ofenduese të De Niros në adresë të Trumpit.
“Ai nuk i bën detyrat e shtëpisë, nuk i intereson asgjë. Ai mendon se po luan me shoqërinë. Nuk i paguan tatimet. Është një idiot. Colin Powell e ka thënë më së miri: ‘Ai është një katastrofë kombëtare’. Është turp për vendin”.
“Bëhem shumë nervoz që ky vend ka ardhur në këtë pikë që ky budalla, ky i paedukuar, ka arritur deri këtu ku është”, ka shtuar aktori. /Telegrafi/
