Dave ishte në lidhje me një shqiptare të quajtur Besmira, i dedikon këngë në albumin e ri duke treguar se si familja e saj nuk i la të ishin bashkë

Reperi fitues i Çmimit “Mercury”, Dave po rikthehet me projektin e tij të dytë, i cili është rrëfyes, zemërues dhe më reflektues sesa albumi i tij debutues i vitit 2019, “Psychodrama”.

Ai ka sjell në treg albumin e tij të dytë në karrierë, që mban titullin “We’re All Alone In This Together”, shkruan The Focus.

Albumi i ri i reperit me dymbëdhjetë këngë ka brenda tij bashkëpunime me emra të njohur si: James Blake dhe WizKid, Stormzy, Ghetts, Giggs dhe Fredo – dhe yje në rritje si Meekz Manny.

Ashtu si në albumin e tij debutues, “We’re All Alone In This Together” trajton disa nga problemet dhe betejat që Dave ka hasur në jetën reale. Edhe më shumë sesa albumi i parë, projekti i tij i dytë hyn në jetën romantike të Dave-it.

Ekziston një numër këngësh në “We’re All Alone In This Together” të cilat prekin marrëdhëniet e mëparshme të Dave-it. Vlen të përmendet, kënga e nëntë, “Both Sides of A Smile”, e cila tregon se si Dave dhe ShaSimone të dashuruar diskutojnë për pabesinë e tij.

Lexo po ashtu Ia kujtojnë lidhjen e dështuar me vajzën nga Shqipëria – reagimi epik i reperit Dave kur provokohet nga fanset shqiptare në koncert

Por fansat janë të bindur që disa nga vargjet po i dedikohen ish-të dashurës së tij shqiptare me emrin Besmira.

Në këngën me titull “Survivor’s Guilt” – kënga e fundit në album, reperi Dave flet hapur në lidhje me ish -të dashurën e tij, të cilën e përmend gjithashtu edhe në këngën e gjashtë të albumit, “How I Met My Ex”.

Në këtë këngë, Dave zbulon se ish e dashura e tij ishte e bardhë dhe nga Shqipëria. Ai citon në një moment: “Unë u dashurova me një shqiptare, e di që është çmenduri/nuk jemi bashkë, sepse familja e saj do të na kthente mbrapsht”.

Në vitin 2020, fansat e reperit Dave u bindën se ish-e dashura e tij ishte një grua me emrin “Besmira”. Kjo erdhi pasi Dave publikoi në InstaStory disa imazhe duke i uruar asaj ditëlindjen, shoqëruar me zemra dashurie. Dave kurrë nuk konfirmoi nëse ai ishte në lidhje me Besmirën, megjithëse kënga me titull “Survivor’s Guilt s” duket se konfirmon ato që fliten në internet.

Por, kush është në të vërtetë “Besmira”?

Deri më tani, identiteti i Besmirës mbetet mjaft i paqartë. Ne dimë detaje rreth marrëdhënies së pretenduar të saj dhe Dave-t falë projektit të tij më të fundit.

Dave said he fell in love with an Albanian but they’re not together. Twitter, we were right. This was his babes. pic.twitter.com/eWCcMCcgxU

— T R I N I T Y (@trinitylinhart) July 23, 2021

Pasi Dave shpërndau fotografi të asaj që pretendohet se është Besmira e vërtetë në Instagram vitin e kaluar, ai heshti më vonë. Kjo pasi mijëra sy kureshtarë i drejtoheshin marrëdhënies së tij të pretenduar.

Tani për tani, thjesht do të duhet të mbështetemi në atë që Dave na tregon përmes muzikës së tij për informacion në lidhje me jetën e tij të dashurisë, pasi ai vazhdon ta mbajë atë larg rrjeteve sociale. /Telegrafi/