Dalin detajet nga marrëveshja e fshehtë e Laportas me Raiolan: Haaland dhe një tjetër lojtar i bashkohen Barcelonës

Presidenti i Barcelonës, Joan Laporta, tashmë e ka bërë të qartë këtë të hënë në prezantimin e Ferran Torresit se nënshkrimi me Erling Haaland verën e ardhshme është i mundur.

Sipas “Deportes Cuatro”, kreu i klubit katalunas dhe përfaqësuesi i sulmuesit norvegjez, Mino Raiola, kanë një marrëveshje që nëse presidenti i Bluagranas arrin të mbledhë paratë e nevojshme për të kryer operacionin, lojtari aktual i Borussia Dortmundit do të zbarkojë në “Camp Nou” verën e ardhshme.

Lexo po ashtu Haalandit nuk i pëlqen Liga Premier - norvegjezi ka treguar kampionatin që dashuron

Në takimin që Laporta dhe Raiola zhvilluan dhjetorin e kaluar në galanë Golden Boy, në Torino, janë hedhur themelet e kësaj marrëveshjeje.

Siç detajohet edhe nga Deportes Cuatro, operacioni do t’i kushtonte Barçës mbi 100 milionë euro, për transferimin, komisionet për agjentin dhe lojtarin, si dhe për nënshkrimin me një tjetër futbollist që është klient i Raiolas, me mbrojtësin e djathtë të Ajaxit, Noussair Mazroui.

Lexo po ashtu Laporta pyetet nëse Barcelona do ta transferojë Haalandin: Ne vazhdojmë të jemi pikë referimi, çdo gjë është e mundur

I njëjti informacion sqaron gjithashtu se kontrata e Haaland mund të jetë 3+2 vjet, me një pagë bruto prej afërsisht 30 milionë euro. Gjithmonë nëse Barça arrin të zgjidhë problemet e saj financiare dhe të respektojë kufirin e pagave.

Për këtë arsye, “Deportes Cuatro” thekson gjithashtu se Barça nuk do të përjashtonte shitjen e disa prej lojtarëve të rëndësishëm në skuadër në përpjekje për të blerë Haaland. /Telegrafi/