Dalin detaje të reja nga tmerri që përjetoi Aubameyang dhe familja e tij nga hajdutët

Sulmuesi i Barcelonës, Pierre-Emerick Aubameyang raportohet se ka qenë viktimë e një grabitjeje të dhunshme në shtëpinë e tij në qytetin spanjoll në orët e para të mëngjesit të së hënës – me disa njerëz të armatosur që hynë brenda dhe e rrahën.

El Pais raporton se të paktën katër burra u ngjitën në kopshtin e tij në kompleksin në Castelldefels dhe e kërcënuan me armë zjarri dhe shufra hekuri – dhe hajdutët u arratisën me bizhuteritë pasi arritën të hynin në kasafortën e lojtarit.

Aubameyang – i cili iu bashkua klubit nga Arsenali në janar – u sulmua nga burrat përballë gruas së tij Alysha Behague, pretendon raportimi, me kriminelët duke ikur me një Audi A3 të bardhë.

Lexo po ashtu Natë tmerri për Aubameyang, hajdutët e plaçkitin në shtëpi dhe i mbajnë armën në kokë

33-vjeçari ka qenë me Behague për më shumë se dhjetë vjet pas takimit kur lojtari ishte te Milani. Të dy kanë mbetur me plagë të lehta pasi u sulmuan nga banda. Ata u lanë të shtriheshin në dysheme për një orë përpara dy fëmijëve të tyre të tmerruar Curtys, 11 vjeç dhe Pierre, gjashtë, pretendon një raport tjetër nga RAC1.

Aubameyang u godit në mjekër nga një shufër hekuri, ndërsa Behague pësoi një goditje në kokë, shton mediumi.

Behague njoftoi shpejt policinë spanjolle, e cila tani është në kërkim të autorëve.

Lexo po ashtu Laporta shqetësoi tifozët e Barcelonës me syrin e mavijosur në "Camp Nou"

Dyshja gjithashtu thuhet se refuzuan të shkonin në spital sepse nuk donin t’i trembnin më fëmijët e tyre – por Barcelona është e vendosur t’u ofrojë atyre psikologë nëse dëshirojnë ndihmë të mëtejshme.

Incidenti vjen pasi Aubameyang është i lidhur me një rikthim në Ligën Premier pas interesimit nga Chelsea, vetëm shtatë muaj pasi ai u largua nga Arsenali pasi u përplas me trajnerin e Topçinjve, Mikel Arteta për shkak të shkeljeve disiplinore.

Aubameyang, i cili u shqyrtua shumë në dokumentarin e Amazon për Arsenalin mbi qëndrimin e tij të dobët, është i njohur për drejtimin e makinave sportive dhe për ekspozimin e bizhuterive.

Lexo po ashtu U raportua për telefonin, por Lewandowskit iu vodh ora në vlerë prej 70 mijë euro

Nuk është hera e parë që lojtarët e Barcelonës janë viktima të grabitjeve dhe vjedhjeve, me shokun e skuadrës së Aubameyang, Robert Lewandowski, që ia vjedhin ora 70,000 euro jashtë terrenit stërvitor të klubit.

Ora e polakut iu rrëmbye ndërsa 33-vjeçari përshëndeti tifozët përpara një seance stërvitore në mbrëmje me Barçën. /Telegrafi/