Dalbert: Po jetoj një ëndërr, dua të bëj histori te Interi

Mbrojtësi brazilian, Dalbert erdhi me shumë bujë nga Nice te Interi, këtë verë, por deri tani nuk ia ka dalë të marrë një fanellë titullari në 11-shen e Luciano Spallettit.

Ndonëse pati tre apo katër mundësi në javët e para, braziliani nuk arriti t’i shfrytëzojë si duhet dhe të fitojë besimin e trajnerit, megjithatë, Dalbert nuk dorëzohet dhe ka bindjen që do t’i vijë shumë shpejt shansi për të treguar sa vlen.

Lexo po ashtu Analizë: Plus 16 - Interi i kursimeve mbi Milanin e shpenzimeve (Foto)

“Po jetoj një ëndërr, pasi tani jam pjesë e një klubi shumë të madh dhe gjithçka ndodhi shumë shpejt”.

“Po punoj shumë dhe trajneri po më ndihmon të ambientohem sa më shpejt me lojën e skuadrës dhe me specifikat e kampionatit italian. Kam luajtur pak, por shumë shpejt do të vijë edhe mundësia ime, që të tregoj sa vlej”.

“Dua të lë edhe unë shenjën time në këtë skuadër të madhe, ashtu siç kanë bërë shumë kampionë ndër vite”, tha Dalbert.

Vlen të theksohet se braziliani u ble nga klubi francez për 20 milionë euro.

Ndeshja e ardhshme e Interit është ndaj Chievos. /SS/

https://www.youtube.com/watch?v=zM7c6duTOBA