Dafina Zeqiri sonte publikon bashkëpunimin me Varrosin

Kënga e paralajmëruar ditë më parë nga Dafina Zeqiri dhe Varrosi, publikohet sonte me fillim të orës 19:00.

“Ring Ring” mban titullin kënga e tyre, ndërsa vjen e kompletuar nga ana vizuale dhe është hera e parë që dyshja kanë bashkuar forcat, pasi nga grupi “OTR” artistja Zeqiri ka bashkëpunuar vetëm me Noizyn.

E veshur me një fustan të shkurtër të kuq, e me syze të po së njëjtës ngjyrë, këngëtarja njofton se sot vjen me projektin e ri.

https://www.instagram.com/p/B4Rw3LMhy2g/

“Ring Ring.. 19:00”, është përshkrimi që ajo ia ka vënë fotos, duke pranuar komente nga më të ndryshmet nga fansat e saj të shumtë.

Lexo po ashtu Dafina Zeqiri konfirmon bashkëpunimin me Varrosin, vjen për herë të parë me këngë në gjuhën suedeze

Ky projekt, sipas Dafinës, është më ndryshe dhe i pari që ajo do e sjellë në gjuhën suedeze, dedikuar familjes dhe shoqërisë në vendin ku është rritur.

https://www.instagram.com/p/B4F7N9eBO3q/

Këtë vit, Zeqiri solli pothuajse gjashtë kënge me klipe, ku në secilin prej tyre kishte një paraqitje mjaft atraktive dhe shumë unike.

Megjithatë, “Bye Bye” me reperen Tayna është projekti i fundit i lansuar nga ajo, i cili lirshëm mund të thuhet se ka qenë hiti i kësaj vere. /Telegrafi/