Daçiq: Serbia pranon vetëm statusin neutral të Këshillit të Evropës karshi Kosovës

Ministri i Jashtëm i Serbisë, Ivica Daçiq tha sot në Sofje se për Serbinë është i pranueshëm vetëm statusi-neutral i Këshillit të Evropës në Kosovë, duke respektuar rezolutën e Këshillit të Sigurimit të OKB-së 1244.

“Ne presim që Këshilli i Evropës do të vazhdojë të respektoj në vazhdimësi këto parime”, ka thënë Daçiq, duke iu drejtuar pjesëmarrësve të takimit të 126-ministror të Këshillit të Evropës, përcjell Klan Kosova.

Daçiq ka treguar se është e pakontestueshme se Evropa është prova e madhe e tolerancës dhe solidaritetit në shumë fusha, dhe se pa të vështirë se mund të kapërceheshin  të gjitha vështirësitë që përballet.

“Në këtë frymë, unë ju kujtoj për konstruktivitet që ka treguar Serbia me pranimin e ndërveprimit të Këshillit të Evropës me institucionet e përkohshme të vetëqeverisjes në Kosovë në cilësinë e tyre funksionale”, raporton Tanjug, përcjell Klan Kosova.

Sipas tij,  Këshilli i Evropës në Kosovë duhet në vazhdimësi të angazhohet  për zbatimin efektiv të parimeve dhe standardeve në fushën e të drejtave të demokracisë, të njeriut, minoriteteve, sundimin e ligjit dhe mbrojtjen e trashëgimisë kulturore.