Cristiano Ronaldo është martuar në fshehtësi me Georgina Rodriguez?

Cristiano Ronaldo është martuar në fshehtësi me të dashurën e tij mahnitëse Georgina Rodriguez, thuhet sipas raportimeve të mediave në Itali.

Revista italiane “Novella 2000” pretendon se çifti kurorëzuan dashurinë në Marok, shkruan The Sun.

Disa gazeta dhe revista në atdheun e Cristianos kanë bërë jehonë të raporteve, duke treguar se një burim ka thënë se udhëtimi i tij i fundit në vendin e Afrikës së Veriut ishte në maj dhe nxiti spekulime që ata mund të ishin martuar disa muaj më parë, por e mbajtën atë të fshehtë.

“Novella 2000″, e cila premton të zbulojë më shumë detaje, citoi një burim të cilin e përshkroi si të afërt me çiftin duke thënë: “Kam kuptuar që gjithçka ndodhi më 29 gusht”.

“Atë ditë Cristiano shkoi në Madeira me avokatët e tij dhe ndryshoi vullnetin e tij për të mbrojtur edhe Georginën. Para kësaj, pasuritë e tij administroheshin nga mamaja e tij, Dolores”, ka thënë Ronaldo.

Mediat spanjolle, përfshirë disa nga të përditshmet më serioze të vendit si ABC dhe El Mundo, gjithashtu kanë raportuar lajmin, duke filluar një lojë ndërkombëtare të thashethemeve nëse futbollisti dhe partnerja e tij të cilën e takoi në një dyqan rrobash, tashmë janë zyrtarisht burrë dhe grua.

Georgina , 25 vjeçe, pranoi në shkurt se do të pëlqente të bëhej gruaja e 34-vjeçarit, por pushoi thashethemet që ata ishin fejuar tashmë.

Ajo i tha revistës spanjolle “Hola!” se Cristiano ende nuk i kishte kërkuar dorën e saj për martesë.

Cristiano u njoftua me Georginën gjatë kohës kur ai e pa rastësisht atë në një dyqan rrobash, në Madrid.

Ajo u bë e dashura e tij e parë serioze që kur u nda me bukuroshen ruse Irina Shayk në fillimin e vitit 2015.

Ai e transferoi atë në shtëpinë e tij luksoze në një pronë të mbyllur në periferi të kryeqytetit spanjoll para se të zhvendoseshin së bashku në Torino.
Vitin e kaluar, nëna e futbollistit foli në superlativa për Georginën.

“Ajo nuk është ende nusja ime. Ajo është një nuse e ardhshme. Ajo është një person shumë i qetë”, ka thënë nëna e futbollistit.

Burime pranë futbollistit të mërkurën i përshkruan raportet sekrete të dasmave si “lajme të rreme”. /Telegrafi/